Jaikitzen garenetik eta oheratu bitartean gizakiok hainbat baliabide erabiltzen ditugu: ura, argindarra, janaria, arropa, erregaiak, papera… Naturatik ateratzen dira guztiak, eta beti horretaz ohartzen ez bagara ere, ez dira infinituak, alegia, lehenago edo geroago agortu egingo dira.
Bestalde, egia bat da egun dugun kontsumo ereduak hondakin kopuru handia sortzen duela, erabili eta bota egiten baitugu. Hondakin horiek behar bezala jaso eta tratatu ezean, egunik egun gure planetaren jasangarritasuna kinkan jartzen duen ingurumen-aztarna handia sortzen dute.
Zer ondorio atera dezakegu honetatik? Erantzuna argia da: gure bizi eredua dagoeneko ez da jasangarria, eta ondorioz, birziklatzea, berrerabilera, konponketa eta berreskuratzea oinarri izango dituen eredu baterako trantsizioa da guztiok lehenbailehen onartu beharreko erronka.
Erakusketa honek etxeko hondakinak birziklatzeko eta berrerabiltzeko bidaia proposatuko du eta hondakinak baliabide bilakatu dituzten benetako kasu arrakastatsuak erakutsiko ditu. Hori guztia ingurumena errespetatzen duen bestelako ekoizpen eta kontsumo eredura aldatu daitekeela erakusteko. Bukaeran, jasangarriak izateko gomendioak edota praktika egokiak eskainiko/banatuko dira.